ប្រទេសជាសមាជិក
នៃអនុតំបន់អាស៊ីប៉ាស៊ីហ្វិក បានរួមគ្នាពិនិត្យមើលឡើងវិញលើគោលនយោបាយ
បរិស្ថានក្នុងតំបន់ ដើម្បីធានាឲ្យមានតុល្យភាពរវាងការអភិវឌ្ឍ
និងបញ្ហាបរិស្ថាន ដែលបញ្ហានេះ ជាកត្តាសំខាន់បំផុត
ដែលត្រូវយកចិត្តទុកដាក់។
នេះជាកិច្ចប្រជុំក្នុងក្របខណ្ឌតំបន់អាស៊ីប៉ាស៊ីហ្វិកដែលកម្ពុជាធ្វើជាម្ចាស់ផ្ទះ
ក្រោមការឧបត្ថម្ភពីកម្មវិធីបរិស្ថាន នៃអង្គការសហប្រជាតិ ដែលមានប្រទេសជាសមាជិកអនុតំបន់អាស៊ីប៉ា
ស៊ីហ្វិកចំនួន១៣ បានចូលរួម ក្នុងនោះមានកម្ពុជា គែនយ៉ា ថៃ
ប៊ូតាន ប្រុយណេ Newcaledonia
បង់ក្លាដេស ចិន ឥណ្ឌូនេស៊ី ជប៉ុន ញ៉ូវសេឡេន ហ្វីលីពីន និងប្រទេសស្រីលង្កា។
នៅក្នុងកិច្ចប្រជុំលើកទី១០ នៅព្រឹកថ្ងៃទី១៩ ខែកញ្ញានេះ លោកស្រីតុងម៉ូលកូជី នីកូម៉ូតូ អគ្គនាយក នៃអនុតំបន់អាស៊ីប៉ាស៊ីហ្វិក
មានប្រសាសន៍ថា យើងចាំបាច់ណាស់ត្រូវតែរួមគ្នាពិភាក្សា ដើម្បីស្វែងរកបញ្ហាប្រឈមនានា ដែលកំពុងកើតឡើង
និងរួមគ្នាដោះស្រាយ
សំដៅធានាឲ្យបញ្ហាបរិស្ថានប្រកបដោយចីរភាពសំរាប់ ការអភិវឌ្ឍសង្គម
និងសេដ្ឋកិច្ច។
លោកស្រីបន្តថា
ប្រសិនបើប្រទេសនានាគ្មានយន្តការច្បាស់លាស់ ក្នុងការគ្រប់គ្រងបរិស្ថាន ដូចជាការធ្វើឲ្យបាត់បង់ធនធានធម្មជាតិ ជីវៈចម្រុះ
ព្រៃឈើ និងការបំពុលនានា នោះនឹងជួបញ្ហាអាក្រក់កើតឡើងជាមិនខាន
ហើយក៏នឹងត្រូវចំណាយពេលវេលា និងថវិកាជាច្រើនបន្ថែមទៀត ដើម្បីស្តារឡើងវិញ។
ឯកឧត្តមខុង សំងួន រដ្ឋលេខាធិការក្រសួងបរិស្ថានបានបញ្ជាក់ថា រាជរដ្ឋាភិបាលកម្ពុជា មានការប្តេជ្ញាចិត្តខ្ពស់លើបញ្ហានេះ ក្នុងនោះបានដាក់ចេញនូវគោលនយោបាយជាតិជាច្រើន ដើម្បីធ្វើយ៉ាងណាឲ្យការអភិវឌ្ឍនានាមានការគិតគូដល់បរិស្ថាន។
ឯកឧត្តមបន្ថែមថា បញ្ហាសេដ្ឋកិច្ចនិងឧស្សាហកម្មបៃតង គឺជាចំនុចមួយដ៏ឈ្នះៗសម្រាប់សរសរស្តុម្ភទាំង៤ នៃសេដ្ឋកិច្ចបរិស្ថាន
សង្គមកិច្ច និងវប្បធម៌ ដែលជាទិសដៅមួយរបស់រាជរដ្ឋាភិបាល
សម្រាប់ពង្រឹងរួមគ្នាធ្វើឲ្យជឿនលឿនដល់ផ្នែក
សេដ្ឋកិ្ចនិងការពារបរិស្ថាន។
សូមបញ្ជាក់ថា
កាលពីពេលថ្មីៗនេះ រាជរដ្ឋាភិបាលក៏បានដាក់ចេញនូវគោលនយោបាយជាតិស្តីពីការអភិវឌ្ឍបៃតង
និងផែនការយុទ្ធសាស្រ្តជាតិស្តីពីការអភិវឌ្ឍបៃតងឆ្នាំ២០១៣
.២០៣០ ដែលជាគំរូ ទាំងនៅថ្នាក់ជាតិ
ថ្នាក់តំបន់ ក៏ដូចជាពិភពលោក ដើម្បីសម្រេចបាន នូវគោលដៅអភិវឌ្ឍ
កាត់បន្ថយភាពក្រីក្រ ការពារប្រពន្ធ័អេកូឡូស៊ី និងធ្វើឲ្យកម្ពុជា ជាប្រទេសឈានឡើង
លើផ្នែកអភិវឌ្ឍន៍ ប្រកបដោយសុវត្ថិភាព ចីរភាព និងអារ្យធម៌បៃតង។
No comments:
Post a Comment