ការអភិវឌ្ឍបៃតង
គឺជាយន្តការ
នៃការអភិវឌ្ឍសេដ្ឋកិច្ច ដែលកម្ពុជា កំពុងជំរុញ ដើម្បីឆ្លើយតបទៅនឹងការកាត់បន្ថយភាពក្រីក្រ
ប្រកបទៅដោយនិរន្តរភាព ផ្នែកបរិស្ថាន។
លោកជំទាវ
ម៉ី ប៊ុតវិទ្យា អនុរដ្ឋលេខាធិការក្រសួងបរិស្ថាន បានមានប្រសាសន៍នៅក្នុងសិក្ខា សាលាស្តីពី
“ ការអភិវឌ្ឍន៍បៃតងរួមគ្នានៅព្រះរាជាណាចក្រកម្ពុជា”ថាការអភិវឌ្ឍន៍បៃតងជាបណ្តុំយុទ្ធសាស្ត្រគន្លឹះ ដើម្បីសម្រេចបាននូវការអភិវឌ្ឍមួយប្រកបដោយចីរភាព។
គឺជានិន្នាការសេដ្ឋកិច្ចថ្មី សំដៅលើការសន្សំសំចៃ
ការប្រើប្រាស់ធនធានធម្មជាតិ ប៉ុន្តែឆ្លើយតបទៅនឹងការអភិវឌ្ឍ
និងការ កាត់ បន្ថយ ភាពក្រីក្រ។
លោកជំទាវបន្តថា
រាល់សមិទ្ធិផលនៃការអភិវឌ្ឍន៏បៃតង ទាំងឡាយ នឹងជួយឲ្យប្រទេសកម្ពុជា
អភិវឌ្ឍន៍សេដ្ឋកិច្ចដើរទន្ទឹមនឹងនិរន្តរភាពបរិស្ថាន លើកកម្ពស់សុខមាលភាពរបស់ប្រជាជន បង្កើនសេវាកម្ម
និងប្រព័ន្ធសុវត្ថិភាពសង្គម និងការកាត់បន្ថយភាពក្រីក្រទូទាំងប្រទេសស្របតាមយុទ្ធសាស្ត្រចតុកោណដំណាក់
កាលទី២របស់រាជ
រដ្ឋាភិបាល ពិសេសរួមចំណែកដល់ការបន្សាំទៅនឹងបម្រែបម្រួលអាកាសធាតុ។
លោកជំទាវបញ្ជាក់ថា ដើម្បីជំរុញការសម្រេចបានការអភិវឌ្ឍបៃតងនេះ
ក្រសួងបរិស្ថាន
បានបង្កើតនូវផែនទីបង្ហាញផ្លូវមួយ សម្រាប់កំណើនបៃតង កាលពីខែកុម្ភៈ ឆ្នាំ២០១០
ហើយនៅខែឧសភា ឆ្នាំ២០១១ ក្រសួងបរិស្ថានតំណាងរាជរដ្ឋាភិបាលបានចុះអនុស្សរណៈនៃការយោគយល់គ្នាជា
មួយវិទ្យាស្ថានអភិវឌ្ឍន៍បៃតងសកល(GGGI) របស់សាធារណៈកូរ៉េ
ដើម្បីបង្កើនកិច្ចសហប្រតិបត្តិការ លើការអភិវឌ្ឍន៍នៅកម្ពុជា និងរៀបចំបង្កើតស្ថាប័នអភិវឌ្ឍន៍បៃតងជាតិព្រមទាំងផែន ការមេអភិវឌ្ឍន៍បៃតងជាតិផងដែរ ហើយបច្ចុប្បន្ន កម្ពុជាកំពុងធ្វើដំណើរលើការអភិវឌ្ឍសេដ្ឋកិច្ច ជាពិសេសគឺការអភិវឌ្ឍបៃតង
ទៅតាមផែនទីបង្ហាញផ្លូវនេះ។
កញ្ញា
Jan Corfee
morlotតំណាងអង្គការសហប្រតិបត្តិការសេដ្ឋកិច្ចនិងការអភិវឌ្ឍ( OECD) មានប្រសាសន៍ថា
សព្វថ្ងៃនេះ ដោយសារតែការអភិវឌ្ឍ មនុស្សកំពុងតែរស់នៅជាមួយនឹងការបំពុលប្រព័ន្ធអេកូឡូស៊ី ដែលអ្នកជំនាន់ក្រោយ នឹងត្រូវប្រឈមមុខដោះស្រាយ ប្រសិនបើការអភិវឌ្ឍមិនមានការគិតគូរច្បាស់លាស់ទេនោះ។ ការបាត់បង់បរិស្ថាន
និងធនធានធម្មជាតិ នឹងក្លាយទៅជាបន្ទុកដ៏ធ្ងន់ធ្ងរសម្រាប់ប្រជាពលរដ្ឋកម្ពុជានៅ ជំនាន់ក្រោយ
ដែលត្រូវប្រឈមមុខដោះស្រាយ។
កញ្ញាបញ្ជាក់ថា
ការអភិវឌ្ឍបៃតងចេញមកពីការកើតឡើងនូវទស្សនាទា ននៃកំណើនបៃតង។ វាគឺជាការផ្លាស់ប្តូរគំរូ
នៃការអភិវឌ្ឍមួយ ដែលចាត់ទុកជាការការពារបរិស្ថាន
និងជាគំរូមួយសម្រាប់ការអភិវឌ្ឍសេដ្ឋកិច្ច៕
No comments:
Post a Comment