ព្រៃកោងកាងកំពុងរងការគំរាមកំហែង ដោយសារអាកាសធាតុប្រែប្រួល

ព្រៃកោងកាងនៅតំបន់ឆ្នេរសមុទ្រកម្ពុជា កំពុងទទួលរងផលប៉ះ​ពាល់ និងគំរាមកំហែង ពី​ការ​ប្រែប្រួលអាកាសធាតុ ដែលធ្វើឲ្យរុក្ខជាតិ​ទឹកប្រៃមួយប្រភេទនេះ កាន់តែបាត់បង់ទៅៗ។

យោងតាមរបាយការណ៍ ដែលសិក្សាស្រាវជ្រាវដោយអង្គការ សហ​ភាព​អន្តរជាតិ ដើម្បី​អភិរក្ស​ធម្មជាតិ ហៅកាត់ថា IUCN ថ្មីៗនេះបាន​រកឃើញថា រុក្ខជាតិប្រភេទព្រៃកោងកាង ក្នុងតំបន់ឆ្នេរ​នៃប្រទេស​កម្ពុជា មានខេត្តកោះកុង និងកំពត កំពុងស្ថិតក្នុងការគំរាម កំហែង ដោយ​សារឥទ្ធិពល នៃការប្រែប្រួលអាកាសធាតុ ។ ប៉ុន្តែ ពុំមាន​សញ្ញាណ​ណាមួយបញ្ជាក់ថា មានភាពធ្ងន់​ធ្ងរ​ទេ សម្រាប់ព្រៃ កោងកាងនៅកម្ពុជា។

លោកBrian Kastl ទីប្រឹក្សាអង្គការសហភាពអន្តរជាតិ ដើម្បី អភិរក្ស​ធម្មជាតិ និងជាអ្នកស្រាវ​ជ្រាវផងដែរ ត្រូវបានសារព័ត៌ មាន ក្នុងស្រុក​ដកស្រង់ប្រសាសន៍ថា តំបន់ដែលរង​ផលប៉ះ​ពាល់​ច្រើនជាង គេ នៃការ​ខិតទៅរកការបាត់បង់រុក្ខជាតិកោងកាងនេះ គឺតំបន់ពាម ក្រសោប ក្នុង​ខេត្ត​កោះកុង។ តំបន់នេះ ជាតំបន់ ដែលមានព្រៃកោង កាងធំជាងគេ​នៅក្នុងតំបន់ឆ្នេរទាំងអស់របស់ កម្ពុជា និងតំបន់អាស៊ី អគ្នេយ៍ផងដែរ។

លោក Brian បន្តថា មូលហេតុ ដែលនាំឲ្យរុក្ខជាតិកោង កាង កាន់​​តែ​បាត់បង់ទៅៗនេះ គឺបណ្តាល​មកពីការកម្ពស់ទឹកសមុទ្រកើន ឡើង​ខ្ពស់ ជំនោរលំនាជទឹក បាននាំ​យក​ខ្សាច់មក​ចាក់​បំពេញព្រៃ កោងកាង ខ្យល់​ព្យុះនៅតាមមាត់សមុទ្រ​ក៏​មានការកើនឡើង និង​កម្លាំង​​ទឹក បានបក់កាន់តែខ្លាំង ធ្វើឲ្យដើម​​​កោងកាងរំកិលមករកច្រាំង និងងាប់។

លោកបន្តថា ប៉ុន្តែការអភិវឌ្ឍ ដូចជាការបូមខ្សាច់ និងការធ្វើ​ទំនប់​វារីអគ្គិសនី ក៏បង្កឲ្យប៉ះពាល់ដល់ការបាត់បង់ដើម​ កោងកាងនេះ ផង​ដែរ។

លោក ម៉ន ផល្លា ប្រធានមន្ទីរបរិស្ថានស្តីទី ខេត្តកោះកុង បាន ប្រាប់អ្នកសារព័ត៌មានថា ការប្រែ ប្រួលអាកាសធាតុ ដូចជាភ្លៀង​មិន​ទៀងទាត់ មានព្យុះបោកបក់ខ្លាំង និងការកសាង​ទំនប់វារី​អគ្គិសនី បាន ធ្វើឲ្យសត្វ និងត្រីសមុទ្រជាច្រើនបានងាប់កាលពីឆ្នាំ២០១១។